Saturday, 3 December 2016

திருமண தடை, மண வாழ்வில் பிரச்சனைகளை நீக்கும் விவாஹ பஞ்சமி வழிபாடு 4.12.16



ஸ்ரீமான் ராமருக்கும் புண்யவதி சீதைக்கும் திருமணம் ஆன தினமே விவாஹ பஞ்சமியாக கொண்டாடப்பட்டு வருகிறது, தொன்று தொட்டு. அப்படிப்பட்ட புண்ய தினம் நாளை-4.12.16.

இத்தினத்தில் திருமணம் வேண்டி காத்திருப்போர், தன் மகன் மகளை திருமணம் செய்ய பொருள் இல்லாது தவிப்போர், மற்றும் தன் பெண்,ஆண் பிள்ளைகள் தவறான மணமுடிக்காது, நல்ல வரனை கைப்பிடிக்க வேண்டியிருப்போர், மண வாழ்வில் நிம்மதியற்று இருப்போர் அனைவரும் மாலை குளித்து, துவைத்த ஆடை அணிந்து ராமரின் பட்டாபிஷேக படத்தை வைத்து, கோலமிட்டு , தனி மண் அகலில் நெய் தீபமேற்றி, ராமாயணத்தின் சீதா ராம விவாஹ சர்க்கத்தை படித்து முடித்து நிவேதனம் செய்து வழிபட, மேற்கண்ட துன்பங்கள் தீர்ந்து நல்வழி பிறக்கும். அப்படி செய்ய முடியாதோர் ராமரின் சன்னதி கர்ப கிரக விளக்கிற்கு தூய  நெய் கொடுத்து , சன்னதியில் ஒன்றரை மணி நேரம் இருந்து மனமுருகி வேண்டி வர மேற்கண்ட அதே பலன் உண்டு. வருடத்தில் ஒரு முறையே வரும் இந்த கிடைத்தற்கரிய நாளை பயன்படுத்தி நல் வழி பெற எல்லாம் வல்ல அந்த சீதாராமரை பிரார்த்திக்கிறேன்.

"ராம ராம ராமேதி ரமே ராமே மனோரமே
ஸஹஸ்ரநாம தத்துல்யம் ராம நாம வரானனே"

                ஹரி ஓம் தத் சத்

Friday, 2 December 2016

தனத்தை அள்ளித்தரும் "தனாத யக்ஷிணி"

மேற்சொன்ன "தனாத யக்ஷிணி"யானவள் 22 வயதேயுடைய இளம் யக்ஷிணி ஆவார்.நீல நிற கண்களையுடையவள். சுலபமான பூஜை முறைகளால் சாதகருக்கு தன தேவைகளை பூர்த்தி செய்வது என்றால் இந்த ஒரே யக்ஷிணி தான் எனலாம். 18 வயது பூர்த்தியடைந்த இருபாலரும் வழிபாடு செய்யலாம். யக்ஷிணிகளை பற்றிய கட்டுரைகளை தொடர்ந்து பலரும், யக்ஷிணி உபாசனைகளை கற்று உணர ஆர்வம் காட்டி வருகின்றனர். எனினும் சாதகருக்கு எவ்வித தொல்லைகளும் இல்லாத வண்ணம் எந்த யக்ஷிணி உபாஸனையை கொடுக்க வேண்டுமோ அதை மட்டுமே கொடுக்க வேண்டியது, ஒருவரின் கடமை. வரும் வாரம் முதல் இந்த யக்ஷிணி சாதனை தனிதனியாக (One to One) கொடுக்க இருக்கிறோம். மேலும் தன ஆகர்ஷண தேவதைகள் பயிற்சி அனைவருக்குமாக, பயிற்சியாக அமையும். அதன் அறிவிப்பு விரைவில் வெளிவரும். 

Wednesday, 30 November 2016

ஏவலை விலக்கும் சூலினி



மேற்கண்ட சூலினியானவள் சரபேஸ்வரரின் ஒரு இறக்கையாக தோன்றியவர். ஏவல், பில்லி, சூனியம் அல்லது மாடனின் தொல்லைகள் தமக்கு இருப்பதாக தோன்றினாலோ, அல்லது எவரேனும் கூறியிருப்பின், 9 செவ்வாய் மற்றும் சனிக்கிழமைகளில் ராகு வேளையில், இவரின் படத்தை ஒரு    மரப்பலகையில் வைத்து, மா கோலமிட்டு ,வேப்பிலைகளை தூவி அதன் முன் மண் அகலில் நல்லெண்ணெய் தீபமேற்றி கீழ்கண்ட மந்திரத்தை கூறி, முடிந்த நிவேதனம் செய்து  வழிபட்டு வர, மேற்கண்ட பிரச்சனைகள் விலகும். இதே பரிகாரத்தை  சரபேஸ்வரர் சன்னதியிலும் மேற்சொன்ன விதத்தில் செய்து வரலாம். மேற்சொன்ன சூலினியானவள், கலிகாலத்தில் எதிரிகள் தொல்லை, கிரக கோளாறுகள் போன்ற அனைத்தையும் நீக்க வள்ளால்.

வழிபடும் முறை : கிழக்கு முகம் பார்த்து மந்திரம் கூறி வழிபடவும். முடிந்த நிவேதனம் செய்யலாம்.

மந்திரம் எவ்வளவு முறை??

108  அல்லது 1008 என பாதிப்பின் கடுமையை பொறுத்து செய்யவும். மேற்கண்ட முறைக்கு மாற்று எதுவும் இல்லை.




ஓம் ஸ்ரீம் ஹ்ரீம் ச்ரௌம் தும்
ஜ்வல ஜ்வல சூலினி
துஷ்ட க்ரஹ ஹூம் பட் ஸ்வாஹா

Monday, 28 November 2016

விரும்பியவர் வசப்பட

வீட்டில் ஆண்,பெண் குழந்தைகள் அல்லது வயதுக்கு வந்தோர் பெற்றோர் சொல் கேளாமல் தன்னிஷ்டப்படி இருந்து வந்தாலோ, சகோதர சகோதரிகள் மேற்கண்ட விதம் இருந்தாலோ, அல்லது கணவனோ மனைவியோ ஒருவருக்கொருவர் சொல் பேச்சு கேளாமல் இருந்து,அதனால் குடும்பத்தில் சலசலப்பு இருந்து வரின் கீழ்கண்ட மாதங்கி மந்திரத்தை, படத்தின் முன் நெய் தீபம் ஏற்றி வைத்து, தினசரி முடிந்தளவு கூறி நிவேதனம் செய்து வரின், மேற்கண்டோர் வசப்படுவர். அதீத சக்தி வாய்ந்த இந்த மந்திரத்தை, தவறான செயல்களுக்கு உபயோகிப்பின், பின் விளைவுகள் மிக மோசமானதாக இருக்கும்.

ஓம் ஐம் ஹ்ரீம் ஸ்ரீம் ஐம்  க்லீம் சௌ
ஓம் நமோ பகவதீ ஸ்ரீ மாதங்கேஸ்வரி
சர்வஜனமனோஹரி சர்வமுகரஞ்சனி
க்லீம் ஹ்ரீம் ஸ்ரீம் சர்வஜனஷங்கரி
சர்வாஸ்திரீபுருஷவஸங்கரி  
ஸர்வதுஷ்டாம்ருகவஸங்கரி  ஸர்வஸத்வவஸங்கரி
ஸர்வலோகவஸங்கரி ______________ நமணம் மே
வசமானய ஸ்வாஹா :

மேற்கண்ட கோடிட்ட இடத்தில நபரின் பெயர் சேர்த்து கொள்ளவும். நபர் பெண்ணாகில் 'நமணம்' பதில் "நமணீம்"
என உச்சரிக்கவும்.

குறிப்பு : படம் தேவைப்படின் கொடுக்கப்பட்டுள்ளதை பதிவிறக்கம் செய்து உபயோகிக்கவும். 

Sunday, 27 November 2016

உடல் நலமற்றிருப்போர் மற்றும் மருத்துவர்களால் கைவிடப்பட்டோர்


மேற்கண்ட நிலையில் இருப்போர் மற்றும் மிகுந்த வியாதிகளுக்கு உள்ளாகி அவதிப்படுவோர், அமாவாசை நாளன்று தங்களின் உடுப்பு ஏதாவது ஒன்றிலிருந்து, சிறுது கிழித்து (உடுப்பு, உடுத்தி துவைத்ததாக இருக்க வேண்டும்) நூலாக திரித்து, அதை ஒரு மண் அகலில் நல்லெண்ணெய் தீபமாக ஆஞ்சநேயர் அல்லது பைரவர் சன்னதியில் ஏற்றி வழிபட, ஆச்சரியத்தக்க முன்னேற்றம் ஏற்படும். மாலை நேரம் ஏற்றி வரலாம். இவற்றை குறிப்பிட்ட நபருக்காக அவரின் இரத்த சொந்தங்கள் செய்யலாம்.  மிகுந்த சக்தி வாய்ந்த பரிகாரம் இது.

வரும் அமாவாசை 28.11.16  திங்கள் நான்கு பத்திற்கு துவங்கி செவ்வாய் 29.11.16 ஆறு மணியுடன் முடிவடைவதால், திங்களன்றே மேற்கண்ட பரிகாரத்தை செய்யலாம். முடியாதோர், செவ்வாய் காலை வேளையில் செய்யவும்.