செப்டம்பர் மாத ராசி பலன் 2021 மீனம் | MEENAM SEPTEMBER MONTH RASI PALAN 2021 | Vamanan Seshadri Remedies
செப்டம்பர் மாத முதல் வாரம் மற்றும் கடைசி வாரம் அனுகூலம் தரும் வகையில் உள்ளது மீன ராசியினருக்கு. மற்ற இரண்டு வாரங்களில் அதிக அலைச்சல், சோர்வு, ஒரு வேலையை பல முறை செய்தல் போன்றவை சில மீன ராசியினருக்கு நிகழ கூடும். எந்தவொரு செயலையும் திட்டமிட்டு செய்தால் தோல்விகளையும் ஏமாற்றங்களையும் நிச்சயம் தவிர்க்கலாம். எந்தவொரு செயலையும் செய்து முடித்து விடலாம் என தன்னம்பிக்கை மேலோங்கி இருக்க கூடிய காலகட்டம் என்பதால் மேற்கண்ட அறிவுறுத்தல் கூறப்பட்டது. கணவன் மனைவி,காதலர்கள்,அலுவலகத்தில் உடன் பணி புரிவோர் மற்றும் பங்கு தாரர்களிடையே இணக்கமான போக்கு கடைபிடித்தால் மட்டுமே நன்மை சேரும். பணப்பிரச்னைகள் ஏற்பட வாய்ப்புகள் மிகக்குறைவு. சூரிய வழிபாடு ஒன்றே இந்த மாதம் உங்களுக்கு வெற்றியை தேடி தரும். ஞாயிற்று கிழமைகளில் சிவ தரிசனம் செய்வது நன்மையை அதிகரிக்கும்.