Saturday, 11 March 2017

செல்லும் காரியம் ஜெயமாக



முக்கியமான விஷயமாக வெளியே செல்லும் சமயம் காரியம் ஜெயமாகுமா என சந்தேகம் இருப்பின், தலைவாசலை கடக்கும் சமயம் 2 மிளகுகளை கீழே போட்டு, கால்களால் நசுக்கி உடைக்கவும், பின் செல்ல வேண்டிய பாதைக்கு நேர் எதிர் பாதையில் 4 அடிகள் நடந்து, பின் திரும்பி செல்ல, காரியம் ஜெயமாவதை கண் கூடாக காணலாம். பல சூட்சுமங்களை உள்ளடக்கிய பரிகாரம் இது. 

Friday, 10 March 2017

மாணவர்கள் தேர்வில் வெற்றி பெற



தன கைப்பட தினமும் ஆடுகளுக்கு பச்சை கீரைகள் கொடுத்து வர கல்வி அறிவு மேலோங்கும்.

'ஓம் ஐம் சரஸ்வதியை நமஹ' மந்திரம், தினசரி 108 முறை கூறி வரவும்.

படிக்கும் சமயம் கிழக்கு நோக்கி அமர்ந்து படிக்கவும்.

கீழே கொடுக்கப்பட்டுள்ள ஞான முத்திரையை தினசரி 20 நிமிடங்கள் செய்து வரவும்.

தேர்வு எழுத போகுமுன் ஏதேனும் கோவிலில் அபிஷேகத்திற்கு சுத்தமான பசும்பால் கொடுத்துவிட்டு, வழிபட்டு செல்லவும். (பாக்கெட் பால் அல்ல )

செல்வ செழிப்புடன் வாழ எளிய பரிகாரங்கள் 1



அனுதினம் பகலில் குளிக்கும் நீரில், வில்வ இலைகள் 6 இட்டு குளித்து வர தன ஆகர்ஷணம் உண்டாகும்.

முடியும் சமயமெல்லாம் பசுவிற்கு, வேக வைத்த உருளை கிழங்கு கொடுத்து வர செல்வ நிலை மேலோங்கும். புதன், வியாழன், வெள்ளிக்கிழமைகள் செய்து வருவது, பலனை இரட்டிப்பாக்கும். 

Thursday, 9 March 2017

நினைத்தது நிறைவேற



தொடர்ந்து 9 செவ்வாய்கிழமைகள், சிகப்பு பன்னீர் சோஜாக்கள் 9 கொண்டு, ஆஞ்சநேயர் சன்னதியில் அர்ச்சித்து, கர்ப கிரக விளக்கிற்கு தூய நெய் சேர்த்து வழிபட்டு வர, நினைக்கும் காரியம் தடையின்றி நிறைவேறும். 

எதிர் மறை சக்திகள் நீங்க







இலவங்கப்பட்டையுடன் ஒரு இலவங்கபத்திரியும் சேர்த்து செவ்வாய் தோறும் தூபமிட்டு வர, எதிர் மறை சக்திகள் நீங்கி, சுபம் சேரும்.

சகல செல்வங்களும் சேர



உண்மையான மயிலிறகு ஒன்றை பணம் வைக்கும் இடத்தில் வைத்து சுத்தமாக பாதுகாத்து வர, பண வரத்து பெருகும். வீடு, தொழில் செய்யும் இடத்தில் தலை வாசல் கதவினில் 3 இறகுகளை ஒட்டி வைக்க, சகல செல்வங்களும் சேரும். 

Wednesday, 8 March 2017

பணத்தடைகள் விலக



எவ்வளவு சம்பாத்தியம் வந்தாலும் பணத்தடைகள் அடிக்கடி இருந்து கொண்டே இருப்பின், இரவில் கோதுமையில் செய்யும் சப்பாத்தி மாவில் 12 துளசி இலைகளை மற்றும் 2 ஏலக்காய்களின்  விதைகளையும் சேர்த்து, சப்பாத்தி இட்டு உண்டு வரவும். தடைகள் விலகும் வரை செய்யலாம். மிக எளிய, அதே சமயத்தில், சூட்சும விஷயங்களை உள்ளடக்கிய பரிகாரம் இது. 

அனுதினம் வெற்றி பெற

இரவு தூங்கும் முன் சுத்தமான நீரை, செம்பு டம்பளரில் விட்டு அதில் சுத்தமான மலை தேன்  ஒரு ஸ்பூன் விடவும்.
அதில் கற்கள் ஏதும் பதிக்காத தங்க அல்லது வெள்ளி மோதிரம் ஒன்றை போட்டு மூடி வைக்கவும். காலை எழுந்து, பல் துலக்கியதும் முதல் உணவாக அந்த நீரை (மோதிரத்தை எடுத்து விட்டு) குடித்து வர, அன்றைய நாள் வெற்றிகரமாக அமையும். தினசரி செய்து வரலாம்.                                                    

Monday, 6 March 2017

கரணம் தப்பினால் மரணம்



மிக முக்கிய பதிவு- முழுவதும் படித்து பாதுகாக்கவும்

பஞ்சாங்கத்தின் அம்சங்களான நாள்,நக்ஷத்திரம்,திதி,யோகம், கரணம் போன்றவைகளில் எதை அனுசரிக்கிறோமோ இல்லையோ, கரணத்தை நிச்சயம் பார்க்க வேண்டும். தவறான காரணத்தில் செய்யும், தொடங்கும் காரியங்கள் மரணத்திற்கு ஒப்பான வீழ்ச்சியில் கொண்டு சேர்க்கும். காரிய நாசம், பொருள்-செல்வ நாசம், உடல் மற்றும் வாழ்வு பிரச்சனைகளை கொடுக்கவல்லது தவறான கரணம். ஆகவே தான் மேலே குறிப்பிட்டுள்ள பழமொழியை கூறி வந்துள்ளனர் நம் பெரியோர்கள். உங்களுக்காக இனி ஒவ்வொரு மாதமும், இப்படிப்பட்ட ஒதுக்க வேண்டிய கரண நாட்களை கொடுக்க உத்தேசம். இம்மாதத்திற்குரிய ஒதுக்க வேண்டிய கரண நேரங்கள் கீழே கொடுத்துள்ளோம். அதன்படி, நடக்கவும்.

மார்ச் 2017


  • 8-3-2017   11:30 am - 10:50 pm
  • 11-3-2017   8:20 pm - 12-3-17  8:20 am
  • 15-3-2017  10:30am - 11:20 pm
  • 19-3-2017  5:50 am -    7:10 pm
  • 23-3-2017  1:00 am-     1:30 pm
  • 26-3-2017  12:30pm-   11:45pm
  • 31-3-2017  10:10am-   08:45pm