ஏகாதசியில் செய்ய வேண்டியவை

இந்நாளில் விரதம் இருந்து விஷ்ணுவை  துதித்து அவருக்கு துளசி மாலை சாற்றி, 3 முறை விஷ்ணு சஹஸ்ரநாமம் கூறியோ அல்லது கேட்டோ வழிபட்டு வர அனைத்து வித கிரக தோஷங்களில் இருந்தும் தப்பித்து கொள்ளலாம். 

தசமியில் செய்ய வேண்டிய எளிய பரிகாரம்

புது வீடு புகுதல் புதிய வியாபாரம்-தொழில் தொடங்குதல் போன்ற அனைத்து வித விசேஷ காரியங்களும் இந்த திதியில் தொடங்க மேல் மேலும் வளர்ச்சி ஏற்படும். சிவன் கோவிலில் உள்ள 'வீரபத்திரரை' நெய் தீபம் ஏற்றி வில்வ மாலை சூட்டி வழிபட்டு பின்னர் இந்நாளை துவக்குவது நன்று. 

நவமியில் செய்ய வேண்டியவை

இந்த திதி வரும் நாளில் எதிரிகள் மற்றும் போட்டியாளர்களுக்கு எதிரான நடவடிக்கைகளை எடுக்க, நமக்கு வெற்றி நிச்சயம். மேலும் இந்த திதி நாளில் அன்னை சரஸ்வதி தேவியை வணங்கி வேலையில் ஈடுபட்டால், அனைத்தும் சுபமாக முடியும். நாள் இனிமை சேர்க்கும். 

அஷ்டமியில் செய்ய வேண்டிய அற்புத பரிகாரம்

இன்று மருத்துவம் தொடர்பான எந்த செயலிலும் ஈடுபடாமல் இருப்பது நன்று. முன்னோர்களை வழிபட மிகவும் உகந்த நாள். மேலும் பிரத்தியங்கரா தேவி, துர்கை அல்லது வாராஹி வழிபாடு மற்றும் துர்கா சப்தசதி பாராயணம், சண்டி பாராயணம் செய்ய மிகவும் உகந்த தினம். 

சப்தமியில் செய்ய வேண்டிய சிறப்பான பரிகாரம்

அதிகாலை சூரியன் எழும் முன் விழித்து குளித்து முடித்து சூரியன் எழுவதை கை கூப்பி தொழுது 'ஓம் ஆதித்தியாய நமஹ்: " மந்திரம் முடிந்த அளவு கூறி சூரியனுக்கு மூன்று முறை நீர் வாற்று பின் ஆதித்ய ஹிருதயம் கூறவோ கேட்டோ வருதல் மிகுந்த பலன் தரும். கட்டிடங்கள் கட்ட ஆரம்பிக்க மற்றும் கல்யாண பேச்சுகள் தொடங்க உகந்த திதி. 

சஷ்டியில் செய்ய வேண்டிய எளிய வழிபாடு

சஷ்டியில் முருகரின் மூலவர் சிலைக்கு நல்லெண்ணெய் காப்பு செய்ய எண்னை வாங்கி கொடுப்பது மிகுந்த விசேஷம், மேலும் செவ்வரளி மாலை சாற்றி கர்ப கிரக தீபத்திற்கு நெய் கொடுத்து வரலாம். கந்த சஷ்டி கவசம் மூன்று முறை கேட்பது அல்லது பாராயணம் செய்வது மிகுந்த பலன் தரும். புதிய வேலை அல்லது தொழில் தொடங்க உகந்த திதி. 

பஞ்சமியில் பக்தியுடன் செய்ய வேண்டிய எளிய பரிகாரம் (23.2.2015)

இன்று 'லலிதா திரிபுர சுந்தரி' தேவியின் வழிபாடும், ஸ்ரீ சக்கர வழிபாடும் செய்ய சதா காலம் கஷ்டத்திலேயே உழன்று கொண்டு தரித்திர நிலையில் இருப்போருக்கு கூட நல் வழி பிறக்க ஆரம்பிக்கும். காலையில் தேஹிவியை வழிபட்டு 'லலிதா சஹஸ்ரநாமம்' மூன்று முறை கூறலாம்-முடியாதவர்கள் கேட்டு வரலாம். கோவிலில் சென்று வழிபடுபவர்கள் கர்ப கிரக விளக்கிற்கு தூய நெய் சேர்த்து வரலாம். (பாலா திரிபுர சுந்தரி, பிரத்தியங்கரா தேவி மற்றும் வாராஹி கோவில்களுக்கும் செல்லலாம்)

இந்த நாளில் கூற வேண்டிய சக்தி எளிய ஆனால் மிக அதீத சக்தி வாய்ந்த மந்திரத்தை நாம் "மந்திரங்கள்"முக நூல் பக்கத்தில் காணலாம். 

www.facebook.com/manthirangal