Saturday, 19 November 2016

ப்ரஹ்மராக்க்ஷஷரின் அருமைகள் தெரியுமா உங்களுக்கு ??



ராட்சசன் என அழைக்கப்படும் துர் பிசாசு அல்ல இவர். பிராமண குளத்தில் பிறந்து வேதங்கள் கற்றுணர்ந்து வறுமையாலும், சில சாபக்கேடுகளாலும் தற்கொலை செய்து கொண்டு இன்று ஸ்தூல ஆத்மாவாக உலவுபவர்/ உதவுபவர் தான் மேற்கண்ட ப்ரஹ்மராக்க்ஷஷர். இன்றும் கேரளாவின் சாக்த வழிபாட்டு ஸ்தலங்களில், வெளிப்பிரகாரங்களில் இவர் சன்னதிகள் இருக்கும். தேவிக்கு படைத்த நிவேதனத்தை இவருக்கும் படைப்பர். நேந்திரம் பழத்தின் பிரியர் இவர். வேறு சில கிரந்தங்களில் இருந்து நாம் புரிந்து கொண்டது என்னவெனில், மெத்த படித்து, அதனால் கர்வம் கொண்டு எவரையும் மதியாது இழிவு செய்து, வெறி செயல்களில் ஈடுபடும் குணமே "ப்ரஹ்மராக்க்ஷஷம்" . மிகுந்த தடைகள், மற்றும் கடவுள் நமக்கு அருள்வதில்லை என்ற நினைப்பு கொண்டோர், கேரளாவில் உள்ள ஏதேனும் பகவதி கோவில் சென்று, ப்ரஹ்மராக்க்ஷஷருக்கு விசேஷ பூஜைகள் செய்து, பின் பகவதியை வழிபட்டு திரும்ப, நம் தடைகள் விலகும். மேலும் ரியல் எஸ்டேட் துறையில் கட்டுமான பணிகளில் உள்ளோர், கட்டுமான பணிகள் மத்தியில் எந்த காரணத்தினாலாவது நின்று போயிருப்பின் அல்லது விற்பனை ஆகாது  இருப்பின், இவருக்கு உரிய மரியாதைகள் செய்ய, சொத்துக்கள் விரைந்து கட்டி முடிக்கப்பட்டு விற்பனையாகும். மேலும், நம் சொந்தங்களில் யாரேனும் துர்மரணம் அடைந்திருப்பின் ப்ரஹ்மராக்க்ஷஷருக்கு உரிய மரியாதையை மற்றும் பூஜைகள் செய்வித்து அந்த ஆத்மாவை நல்ல படியாக மேலுலகம் சென்றடையச்செய்யலாம்.

குறிப்பு : தமிழ்நாட்டிலும் சில பகவதி கோவில்களில், ஐயப்பன் கோவில்களில் இவர் சன்னதி இருப்பதாக கேள்வி. கர்ப்பிணி பெண்கள் மற்றும் குழந்தைகள் இவரை வழிபடுதல் கூடாது. 

Friday, 18 November 2016

நினைத்த நேரத்தில் நினைத்த தனத்தை அருளும் தங்க யக்ஷினி

யக்ஷினி உபாசனைகளிலேயே  நாம் கண்ட வரை மிக எளிதானதும் மிக அதீத சக்தி கொண்டதும், உடனடி பலன் அளிப்பதும், உபாசிப்பவரை எவ்வித தொல்லைகளுக்கும் ஆளாக்காததும், தேவைப்படும் நேரத்தில் தேவைப்படும் பணவரவை ஏற்படுத்தும்  இந்த யக்ஷினி உபாசனை. பூஜிக்கும் முறைகள் நேரடி பயிற்சியில் வழங்கப்படும்


தமிழ்நாட்டில் சென்னையை தவிர அனைத்து மாநிலங்களிலும் ஒளிபரப்பாகும் என தெரிவிக்கப்பட்டுள்ளது.


Thursday, 17 November 2016

அற்புத பலனளிக்கும் அப்சரஸ்கள்

புராணங்களில் அப்சரஸ்களை பற்றி கேள்விப்பட்டிருப்போம் . மகரிஷிகளின் தவம் மற்றும் தவறான நோக்கத்திற்காக தவமிருக்கும் சில ரிஷிகளின்,அசுரகுல அரசர்களின்  தவம் போன்றவற்றை, அவர்களை தம் பால் ஈர்த்து தவத்தை கலைப்பதே இவர்களின் நோக்கம் என்றெல்லாம் சில பழைய திரைப்படங்களில் கூட பார்க்க நேரிட்டிருக்கலாம். ரம்பை விஷ்வாமித்திரரை மயக்கி தவத்தை கலைத்தது அனைவருக்கும் நினைவிருக்கலாம்.  இவைகளை தவிர, இவர்களுக்கு உண்டான சக்திகளையும் இவர்களை முறையாக பூஜித்தால் அதனால் ஏற்படும் சக்திகளும் ஏராளம். நம் பல சந்ததிகளுக்கு செல்வத்தை தொடரச்செய்யும் சக்தியும், நம்மை மிக வசீகரமான தோற்றமளிக்க செய்யும்  சக்தியும், பல இன்னல்களில் இருந்து நம்மை காக்கும் சக்தியும் இவர்களுக்கு உண்டு. இவர்களும் ஸ்தூல சூட்சும ரூபத்தில் உளவுபவர்களே. ரிக் வேதத்திலும், மஹாபாரத்திலும் இவர்களை பற்றி ஏராளமான குறிப்புகள் உண்டு. இந்திரனுக்கு சேவை செய்வதை தோற்றத்தின் நோக்கமாக செய்து வரும் இவர்களை, ஒரு நாள் மற்றும் ஏழு நாள் மற்றும் 21  நாட்களில் சித்தி செய்யும் முறைகள் உள்ளன. வெள்ளிக்கிழமை இரவில் தொடங்கலாம் இவர்களின் உபாஸனையை. சில காலம் முன்பு முயற்சித்ததில் முதல் முறை தோல்வியை தந்து இரண்டாவது முறையாக 21 நாட்களில் எமக்கு வெற்றி கிடைத்தது. ஏற்கனவே கூறியுள்ளபடி இதற்கான பயிற்சியை அளிக்கும் வாய்ப்பு ஏற்பட்டால், இதன் சாதனா முறையை விளக்குகிறேன். இணையத்தில் இது போன்றவைகளை வழங்க இயலாது. இவையெல்லாம் சாத்தியமா என ஒரு சிலர் நினைக்கக்கூடும். எப்படி காவல் தேவதைகளை, ஆஞ்சநேயர், கணபதி மற்றும் வேறு சில தேவிகளை உபாசித்து பலன் பெறுகிறோமோ அதே போன்ற முறை தான் இவர்களுக்கும்.

முக்கியமாக இருக்கும் அப்சரஸ்களான ரம்பை,  மேனகை, ஊர்வசி,திலோத்தமை, க்ரிடாக்க்ஷி, தவிர 108  முதல் 1008  எட்டு வரை இவர்கள் உண்டு என வேதங்களும் இதிகாசங்களும் கூறியுள்ளன,

அலம்வஷு, அம்பிகா, அருணா, அர்ஷா, இந்திரலக்ஷ்மி,பூர்வசித்தி, காம்யா, லதா, லக்ஷ்மணா, கார்னிகா, கேஷினி, ரக்ஷிதா போன்றோர் சிலர்.

நம் புராணங்களில் உள்ள இவர்களை போல் இகிப்திய, முகமதிய மற்றும் கிருஸ்துவ, பௌதிக புராணங்களிலும் பல் வேறு அப்சரஸ்கள் உண்டு.

பக்தியுடன்  அழைக்கும் நேரத்தில் வந்து நம் அவசிய தேவைகளை பூர்த்தி செய்து அருளும் அசாத்திய சக்தி இந்த அப்ஸரஸ்களுக்கு உண்டு. 

Wednesday, 16 November 2016

சர்வ வசீகர ஆகர்ஷண சக்திகளை கொடுக்கும் 'கந்தர்வர்கள்'

நம் புராணங்களில் பல முறை கேள்விப்பட்டிருப்போம்-கந்தர்வர்களை பற்றி. தற்காலத்தில் நடக்கும் பெற்றோர் மற்றும் உறவினரின் சம்மதமில்லாத காதல் திருமணங்களை வித்திட்டவர்கள் இவர்கள் எனலாம். அப்சரஸ்களின் கணவர்களான இவர்கள் ஜன, தன மற்றும் ராஜ வசீகர ஆகர்ஷண சக்தியை அளிக்கவல்லவர்கள் இவர்கள். யட்சிணிகளை போல் இவர்களிடத்தும் நாம் ஏதேனும் கேட்க, பதிலுக்கு நம்மிடமிருந்து இவர்களுக்கும் ஒரு எதிர்பார்ப்பு இருக்கும். ஆனால் இவர்களை முறையாக வழிபட்டு வந்தால், தாமே அறிந்து நம் துன்பங்களை போக்க வல்லவர்கள் இவர்கள். மேலும் தாய் சாரதா தேவியை பூஜித்து வர, கந்தர்வர்களை எளிதில் வசமாக்கலாம். இவர்களுக்கு மனிதர்களுக்கு மேலும் தெய்வங்களுக்கு உட்பட்டும் சக்திகள் இருப்பதாக புராணங்கள் தெரிவிக்கின்றன. மஹாபாரதத்தில் இவர்களை பற்றிய சுவையான விஷயங்கள் உள்ளன. இவர்களும் யக்க்ஷ யக்ஷினிகளை போன்று குபேரரின் கட்டுப்பாட்டில் உள்ளோர் தாம். சில காரணங்களை கருதி இவர்களின் அதியற்புத சக்திகளை பற்றி இங்கே அளவோடு தான் கொடுத்துள்ளோம். பூஜை முறைகளை இவ்விடம் விளக்க முடியாது.

கந்தர்வர்கள் :

விஸ்வவசு- ராமாயண காலத்திற்கு முன்பே  தோன்றிய இவர் தான் ரிக் வேதத்தை உருவாக்கியவர்.

சித்ரரதா - கந்தர்வர்களை ஆட்சி செய்யும் பொறுப்பு இவருடையது.

சித்ராங்கதா - கந்தர்வர்களுக்கெல்லாம் அரசனாக விளங்குபவர்.

திம்பரு - அர்ஜுனருக்கே கலைகளை கற்பித்தவர்.

மேலும் ஷைலஸு , திருதராஷ்டிரா,பஞ்சசிகா , மதாளி போன்ற வேறு சில கந்தர்வர்களும் உண்டு. ஸ்தூல ரூபத்தில் இருக்கும் இவர்களின் அருளோடு இன்றும் பலர் வெற்றிகரமாக உள்ளனர்.

பலரின் தொடர் விண்ணப்பத்தால் யக்ஷிணி, கந்தர்வர்கள் மற்றும் அப்சரஸ்களின் பூஜா விதிகளை ஒரு தனி பயிற்சியாக, விரைவில் கொடுக்க எண்ணம்.

Tuesday, 15 November 2016

அம்மை மற்றும் காற்றில் பரவும் நோய்களை தந்தருளும் "சீதளா தேவி "


மக்களின் அகங்காரம் மற்றும் ஆணவம் போன்றவற்றை அழிக்க, ஒருவரின் கர்ம பலனை உணரவைக்க கழுதையில் அமர்ந்து மேற்கண்ட நோய்களை உண்டாக்கி
பின் சரிசெய்வதை தன் தோற்றத்தின் தொழிலாக செய்து வருபவள் இந்த தேவி. நான்கு கரத்துடன் கையில் துடைப்பத்துடன் இருக்கும் இந்த தேவியை மேற்கண்ட நோய்களை அகற்ற, மனமார வழிபட, தன் கையில் உள்ள துடைப்பம் எப்படி குப்பைகளை அகற்றுமோ, அது போல் நோய்களை அகற்றி நம்மை வாழவைப்பாள் இந்த அன்னை.



Monday, 14 November 2016

"அலக்ஷ்மி" வசிக்கிறாரா உங்களிடத்தில் ??



குறிப்பு : இங்கே குறிப்பிட்டுள்ளது மஹாலக்ஷ்மி தாயாரின் சகோதரி பற்றியது அல்ல. பல காலமாக அப்படி ஒரு தவறான புரிதல் ஏற்பட்டுள்ளது. இதை பற்றிய விரிவான பதிவு விரைவில் வெளிவரும்.

ஆலோசனைக்கு வந்து பரிகாரங்கள் கேட்டு சென்ற ஒரு நபர் ஒரே மாதத்திலேயே மூன்று முறை வந்து விட்டார். தான் மிகுந்த துரதிர்ஷ்டசாலி, எதுவும் நல்லது நடப்பதில்லை என ஒரே குமுறல் !! அவரிடம் நாம் கேட்ட கேள்வியை தான் இந்த பதிவின் தலைப்பாகவும் , அவருக்கு நான் கூறிய விஷயங்களை பதிவாகவும் கொடுத்துள்ளேன்.

மேற்கண்ட மூதேவி எனப்படும் "அலக்ஷ்மி" பருத்த உதடுகளை கொண்டவள். அரச மரத்தில் உச்சி சாய்ந்தபின் மறு நாள் சூரிய உதயம் வரை வசிப்பவள். சனிக்கிழமை மட்டும் அவ்விடத்தில் குடியிருக்கமாட்டாள். காரணம் அன்றைய நாள் முழுதும் மஹாலக்ஷ்மி தயார் அவ்விடத்தில் வசிப்பது தான். அதனால் தான் அரச மரத்திற்கு சனியன்று விளக்கேற்றி வழிபட தொடர்ந்து கூறிவருகிறோம். மேலும் மற்ற நாட்களில் அரச மர வழிபாடு செய்யும் சமயம், மரத்தை தொடாமல் வழிபட வேண்டும். நம் மனதில் உள்ள பொறாமை, அகங்காரம், பேராசை இந்த மூன்றின் சூட்சும ரூபம் தான் 'மூதேவி' அல்லது 'அலக்ஷ்மி' . இவற்றை விட்டொழிப்பது மிக முக்கியம்,  மேலும் வீடு மற்றும் தொழில் செய்யும் இடங்கள் எந்நேரமும் சுத்தமாக வைத்திருப்பதும்
மிக முக்கியம். இல்லையேல், அலக்ஷ்மி மட்டும் அல்ல, சனியும் கூடவே வந்து வசிக்க தொடங்கி விடுவார்.  இப்படி தாம் தொடர்ந்து துரதிர்ஷ்டசாலியாக இருப்பதாக ஒருவர் எண்ணினால், தம்மிடம் மேற்கண்ட மூன்று குணங்கள் உள்ளனவா என்று ஆத்ம பரிசோதனை செய்து கொள்வது அவசியம்.அப்படி செய்கையில் நமக்கு நாம் உண்மையாக இருப்பின், மேற்கண்ட நிலையில் இருந்து விரைவாக வெளிவரலாம். பின்பு,  நாம் ஏற்கனவே கூறியுள்ள 'ராக் சால்ட்' குளியல் உடனடியாக தொடங்குவது நன்று. மேலும், தங்கள் வீடு மற்றும் தொழில் செய்யும் இடத்தை, மேற்கண்ட உப்பை கொண்டு கழுவி விடுதல், மாதம் ஒரு முறையாவது செய்ய வேண்டும். பின் தினசரி தூபமிடுதல், விளக்கேற்றி வைத்தல், பஞ்சகவ்யம் கொண்டு அஷ்ட திக்குகளிலும் தெளித்தல் போன்றவை தினசரி செய்து வருதலும் அவசியம். மிக முக்கியமாக மேற்கண்ட நிலையில் உள்ளோர், சரஸ்வதி வழிபாடு தொடர்ந்து செய்து வர 'அலக்ஷ்மி' விரட்டப்பட்டு 'லக்ஷ்மி' குடியேறுவார் உங்களிடமும் உங்கள் இல்லத்திலும். 

உலகில் உள்ள நாய்களின் தாய் "தேவ ஷுனி"




மஹாபாரத காலத்தில் பாண்டவர்களுக்கு மிகவும் உதவியாக இருந்த இந்த தேவி சூட்சும சொரூபத்தில் உலவுபவள். எமனுக்கு பாத்திரமான இந்த தேவியை வழிபட்டால், மரண பயம் நீங்கும். அகால மரணம் தவிர்க்கலாம். நாய்களுக்கு,பசுக்களுக்கு  உடற் துன்பம் ஏற்படின், இந்த தேவியை வழிபட, அவைகளுக்கு உடல் நலம் மேம்படும். பைரவருக்கு எப்படி நாய்கள் வாகனமோ, அது போல் எமனுக்கு பிடித்தமான இரண்டு நாய்களை வாகனமாக கொண்டுள்ளாள் இந்த தேவி. நேபாளத்தில், வருடம் ஒரு முறை இந்த தேவியை வேண்டி, நாய்களுக்கு பூஜை புனஸ்காரங்கள் செய்து வழிபடும் வழக்கம் இன்றளவும் உண்டு.  

Sunday, 13 November 2016

முக்காலத்தையும் காதில் கூறும் "கர்ணபிசாஷினி"



முக்கிய குறிப்பு : இங்கே கொடுக்கப்பட்டுள்ளவை உங்கள் புரிதலுக்காக மட்டுமே. இந்த யக்ஷினி சித்தி நாம் கொடுப்பதில்லை. சிலர், இந்த யக்ஷினி தீக்ஷை தருவதாக கேள்விப்பட்டுளோம். அவற்றை நாடாமல் இருப்பது உங்களுக்கு நன்று.

"கர்ணபிசாஷினி" , பெயரை கேட்டவுடன், இந்த யக்ஷிணியின் தன்மை பற்றி உங்களுக்கு புரிந்திருக்கும். நம் எவ்வித தொல்லைகளையும் கஷ்டங்களையும் நொடிப்பொழுதில் தகர்க்கும் சக்தி இந்த யக்ஷிணிக்கு உண்டு. பணம், புகழ் அனைத்தையும் அள்ளித்தரும் இந்த யக்ஷிணிக்கு நம் எதிரிகளை துவம்சம் செய்யும் சக்தியும் அதிகம். தந்த்ர சாஸ்திரத்தில், எவரை பற்றிய கடந்த காலம், நிகழ் காலம், மற்றும் எதிர் காலத்தையும் இந்த யக்ஷினி, உபாசனை செய்வோரின் காதில் கூறும் என கூறப்பட்டுள்ளது. இந்த யக்ஷினி உபாசனை மிக மிக கடினமான ஒன்றாகும். மிக கொடூரமாய்  காட்சியளிக்கும் இந்த சாக்த யக்ஷினி, தம்மை உபாசிக்கும் நபரிடம் தாம்பத்தியத்தில் ஈடுபட வற்புறுத்தும், ஆகவே இதை பல அகோரிகளும், காட்டில் வசிக்கும் தாந்த்ரீகர்கள் மட்டுமே உபாசிப்பர். வளர்பிறை பஞ்சமியில் இதன் உபாசனை இரவு நேரம் ஆரம்பிப்பர். இதில் சித்தியாகும் வரை குளியல், சவரம், மற்றும் தன் உடம்பில் இருந்து வெளிவரும் கழிவுகளை கழுவுதல் போன்றவை கூடாது. இந்த உபாசனையில் ஒரு வரி மந்திரம், நான்கு வரி மந்திரங்கள், இரண்டு வரி மந்திரங்கள் போன்றவை எமக்கு முன்னொரு சமயம் ஒரு சாக்த குருவின் மூலம் உபதேசிக்கப்பட்டது. (நாம் இந்த உபாசனை செய்ததில்லை ) . அவர் மூலமாக பல அதிர்ச்சியூட்டும் தகவல்களை அறிய முடிந்தது. இதில் முக்கிய விஷயம் என்னவென்றால்,
 நம்மோடு இருப்பதா, வேண்டாமா என இந்த யக்ஷினி தான் முடிவு செய்யும். பாதியில் விட்டு விலகிவிட முடியாது. அப்படி உபாசனை செய்து யாரேனும் பிரச்சனையில் இருப்பின், அதிகாலை சூரிய உதயத்தில் தொடர்ச்சியாக ஆதித்ய ஹ்ருதயம் கூறி வர, நிவாரணம் கிடைக்க வாய்ப்பு உண்டு.