Saturday, 26 November 2016

செவ்வாய் அமாவாசை சிறப்பு பரிகாரம் - 29.11.16



வரும் செவ்வாய் மாலை ஆறுமணிக்குள் பசுக்களுக்கு மாம்பழம் மற்றும் அன்னாசிப்பழம் அல்லது ஏதேனும் ஒன்று இயன்ற அளவு தம் கைகளால் கொடுத்து உண்ண செய்யின், நம்மை வாட்டி வதைக்கும் வறுமை, பிணிகள், முன்னோர் சாபங்கள் விலகி சுபிட்சம் ஏற்படும்.

எந்த நிற மாட்டிற்கும் கொடுக்கலாம்-செந்நிற மற்றும் கருப்பு மாடுகளுக்கு கொடுப்பின், கூடுதல் பலன் தரும்.

குறிப்பு : இந்நாளில்
தோல் பொருட்கள் உபயோகம் செய்தல் மற்றும் அசைவம் தவிர்த்தால் மட்டுமே பலன்-முட்டை உட்பட. 

Friday, 25 November 2016

சனி த்ரியோதசி மஹா பிரதோஷம்-26.11.16


நாளை 4:30 மணியளவில் சிவன் சன்னதி சென்று பச்சரிசி மாவினால் அபிஷேகம் செய்வித்து, கர்ப்ப கிரக விளக்கிற்கு தூய நெய் சேர்த்து, பின் சண்டிகேஸ்வரர் சன்னதியில் ஓர் மண் அகலில் நல்லெண்ணெய் தீபமும் நந்தியெம்பெருமானுக்கு ஒரு நெய் விளக்கும் இட்டு, பின் வெளி பிரகாரத்தில் 8 மண் அகலில் கருப்பு திரி கொண்டு நல்லெண்ணெய் தீபம் ஏற்றி 5 :30 மணிவரை கோவிலில் இருந்து வழிபாடு செய்து வர தீராத கடனும் தீரும்-கிடைத்தற்கரிய அற்புத நாள் இன்று.
வேறு முறை : சுவாதியும் சேர்ந்தே வருவதால், மாலை 5 :30 - 6 மணிக்குள் லட்சுமி நரசிம்மர் சன்னதி கர்ப்ப கிரக விளக்கிற்கு நெய் தீபம் சேர்த்து, அங்குள்ளோர்க்கு எலுமிச்சை சாதம் தானம் செய்ய கடன்கள் அனைத்தும் கரைந்து போகும். ( பரிகாரமாக தானம் கொடுக்கும் பொருளை தாங்கள் உண்ண கூடாது )
மேற்கண்ட இரண்டில் எது வேண்டுமானாலும் செய்யலாம். இரண்டையும் செய்ய முடிந்தோர் மஹா பாக்கியசாலிகள் ஆவர். இதே நேரத்தில் அரச,ஆல மரத்திற்கு நீர் ஊற்றி வருவதும் மிக நன்று.

Thursday, 24 November 2016

இழந்த, தொலைந்த, அபகரிக்கப்பட்ட பணம் பொருட்கள் திரும்ப கிடைக்க



மேற்கண்ட விஷயங்களுக்கு 'கார்த்தவீர்யார்ஜுனரின்' படத்தை வைத்து நெய் தீபம் தனி அகலில் ஏற்றி 27 முறை கீழ்கண்ட மந்திரத்தை கூறி வழிபட்டு வர, இழந்தவை திரும்ப கிடைக்கும் என்பது புராணங்களின் கூற்று.

"ஓம் - ஆம் ஹ்ரீம் - க்ரோம்
கார்த்த வீர்யார்ஜுனாய நமஹ
கார்த்த வீர்யார்ஜுனோ நாம
ராஜா பாஹு ஸஹஸ்ரவான்
யஸ்யஸ்மரண மாத்ரேண
கதம் நஷ்டம் ச லப்யதே".

Wednesday, 23 November 2016

தன ஆகர்ஷண தேவதைகள்




நம் முன்னோர்கள், மஹரிஷிகள் அருளியுள்ள பல மாந்த்ரீக, தாந்த்ரீக, மாய கலைகளை போல் இவ்வுலகில் பல் வேறு நாடுகளில் பல் வேறு விதமான யந்திர கலைகள், மாய கலைகள் உள்ளன. எப்படி நம் விநாயகரை,ஈசனை, எந்நாட்டினர் வழிபட்டாலும் பலன் உண்டோ, அதே போல் அந்தந்த தேவதைகளை யந்திரங்களை நாம் இங்கு பயன்படுத்தினாலும் பலன் உண்டு. அதிலும் குறிப்பாக ஒரு சில நாட்டினரின் மாய கலைகள் வெகு சீக்கிரம் பலன் தரக்கூடிய ஒன்று. பல காலம் முன்பு பரீட்சார்த்த முயற்சியாக இம்முறைகளை செய்து பார்க்க அற்புத பலன்கள் கிடைத்தது. எனினும், சான்றோர் கூற்று படி, இவற்றை ஆசான்கள் செய்ய கூடாது என்கிற விதியின்படி நிறுத்தப்பட்டது. சில காலங்கள் கழித்து, சமீபத்தில், ஒரு சில நபர்களுக்கு இவற்றை பயிற்சிக்கும் நிலை ஏற்பட்டது. நாமே எதிர் பார்க்கமுடியாத அளவு, அபரிமிதமான பலன் கிடைக்க ஆரம்பித்தது-தகுந்த நபர்களுக்கு. இந்த தேவதைகள் மொத்தம் 72 உள்ளன. லாட்டின் நாட்டில் பழங்குடியினரால் தொடங்கிய இவை இன்றும் பலநாட்டினரால் தொடர்ந்து பயிற்சிகளின் மூலம் இந்த தேவதைகளை அழைத்து பணத்தேவையை பூர்த்தி செய்து கொள்வது நடந்து வரும் ஒன்று.

யக்ஷினிகள் மற்றும் அப்சரஸ்களை போல் இந்த உபாஸனையினால் வேறு தொந்தரவுகள் வருவதில்லை. மேலும், இந்த உபாசனையில் கடுமையான நியம நிஷ்டைகளும் இல்லை, மிக சுலபமான ஒன்று. அடுத்த மாதம் முதல் இதை பயிற்சியாக கொடுக்க எண்ணம்.

Tuesday, 22 November 2016

சொத்து பிரச்சனைகள் முடிவிற்கு வர



சொத்து சம்பந்தமான வழக்குகள் மற்றும் வாரிசு போன்ற இதர பிரச்சனைகளை சந்தித்து வருவோர், தொடர்ந்து 9 செவ்வாய்கிழமைகள் ஆஞ்சநேயர் சந்நதி கர்ப கிரக விளக்கிற்கு ஒவ்வொரு முறையும் நெய் ,அவருக்கு சாற்ற
சிகப்பு வஸ்திரம் மற்றும் நிவேதனத்திற்கு செவ்வாழை பழம் கொடுத்து வழிபட்டு வர, மேற்கண்ட விஷயங்கள் சுபமாய் தீரும்.

குறிப்பு : பரிகாரம் சம்பந்தமாக சில விஷயங்கள் கோவிலில் செய்யும் சமயம், கோவிலில் குறைந்தது ஒன்றரை மணி நேரம் இருந்து வழிபட்டால், பரிகாரம் எளிதில் பலன் தரும். பரிகாரங்கள் செய்யும் சமயம் அசைவ உணவு தவிர்க்கவும்.
உதாரணம் : மேற்கண்ட விஷயத்திற்கு செவ்வாய்கிழமைகள் மட்டுமல்லாது 9 முழு வாரங்களும்  அசைவம் தவிர்க்க வேண்டும். 

Monday, 21 November 2016

நாளை 22.11.16 செய்ய வேண்டிய அற்புத பரிகாரம்

 கணவன் மனைவி பிரச்னை தீர

தொடர்ந்து கணவனால் மனைவிக்கோ, மனைவியால் கணவருக்கோ தொல்லைகள் ஏற்படின், மனஸ்தாபங்கள் அதிகரித்து வரின், மேலும் திருமண வாழ்வில் எவ்வித சுகமும் இல்லாமல் இருப்பின், நாளை மதியம் 1:15-2 மணியளவிலோ அல்லது இரவு 8:15-9 மணியளவிலோ 9 வயதுக்கு உட்பட்ட 9  குழந்தைகளுக்கு எலுமிச்சை சாதம் தனமாக தரவும். 9 வெவ்வேறு தினங்கள் தர வேண்டும். அடுத்து வரும் தினங்கள் "கணவன் மனைவி பிரச்னை தீர" என்ற பெயரில் தனி பதிவாக வெளிவரும். கணவன் மனைவி பிரச்சனைகள் தீர முக்கிய திதியும் நாளும் இணைந்த நாள் இன்று-தவற விடாதீர்கள். 

Sunday, 20 November 2016

அதீத விரயங்கள் நிற்க அமானுஷ்ய பரிகாரம்



கொடுக்கப்படும் விஷயமானது மிக வீரியமான ஒன்றாகும். ஒரு முறை நேரடி ஆலோசனைக்கு வந்த ஒரு தொழிலதிபரின் விஷயங்களை சோதிக்க, அவருக்கு தெரியாமல் நிறைய பணம் அவரின் கட்டுப்பாடின்றி விரயமாகி  கொண்டிருந்தது தெரிய வந்தது
.மிகுந்த லாபம் இருப்பினும்  கடன் வாங்கும் சூழலில் மாட்டி கொண்டார்.நாம்  சொன்ன  விஷயத்தை அவர் செய்து முடித்த ஒரு சில நாட்களுக்குள், தொழிற்சாலையில் பல நபர்கள் இட மாற்றம் செய்ய வேண்டிய சூழல் ஏற்பட்டு, மிக குறுகிய நாட்களில் அதீத செலவுகள் மற்றும் விரயங்கள்  நின்று, தொழில் வளர ஆரம்பித்தது. பண விஷயங்களை பொறுத்த வரை இது போன்று ஏராளம் உள்ளன. நபருக்கு நபர் மாறுபடும். எனினும்,  பிரத்யேகமான இது, அனைவருக்கும் பயன்படும் ஒன்றாகும்.வீட்டில் அதீத விரயங்கள் ஏற்படினும் செய்து பலனடையலாம்.

பிரிட்ஜில் இருக்கும் ஐஸ் ட்ரேயை நன்றாக சுத்தம் செய்து, ஒவ்வொரு கப்பிலும்  ஒரு ருபாய் நாணயம் ஒன்றை இட்டு,பின் ஒவ்வொன்றிலும் ஒரு புதினா இலையை வைக்கவும். பின் அனைத்திலும் நீர் ஊற்றி,மனதில் அதீத செலவுகள்/விரயங்கள் கட்டுப்படவேண்டும் என்று பஞ்ச பூதங்களையும்,இஷ்ட தெய்வத்தையும் வேண்டி, பிரீசரில் வைத்து விடவும். .

வீண் விரயங்கள் கட்டுக்குள் வருவதை கண் கூடாக காணலாம். செலவுகள் கட்டுக்கடங்கிய நிலை வந்ததும் நாணயங்களை வெளியே எடுத்து உபயோகிக்கலாம். நீரை மற்றும் புதினா இலையை எங்கு வேண்டுமானாலும்  அப்புறப்படுத்திவிடலாம்.

முக்கிய குறிப்பு : மேற்கண்ட விஷயம் நாட்களுக்கு  மேல் செய்யக்கூடாது. அடிக்கடி செய்வதும் தவிர்க்கப்படவேண்டும். 

அற்புத பலனளிக்கும் 64 யோகினிகள்

அசுரனுடன் தாய் காளி போரிடும் சமயம், காளியின் வியர்வை துளிகளில் இருந்து பிறந்தவர்கள் தான் 'யோகினிகள்'. இவர்கள் ஆயிரமாயிரம் இருப்பினும், முதன்மையாக கருதப்படுவோர் 64  ஆவர். காளியின் குழந்தைகளாக கருதப்படும் இவர்களை, நம் ஆத்மார்த்த அன்புடன் பூஜித்து வர நம் அனைத்து துன்பங்களையும் நீக்கி சுக வாழ்வு வாழ வைப்பர். யக்ஷினி, கின்னரர்கள், யக்ஷர்கள், கந்தர்வ மற்றும் அப்சரஸ்களை போல் அல்லாமல் நமக்கு நற்பலன்களை மட்டுமே அள்ளித்தருவது இவர்களின் சிறப்பு. எளிதாக அனைவருக்கும் புரியவேண்டிய நோக்கத்துடன் இவ்வாறு கொடுத்துள்ளேன். உண்மையில், பல அற்புத ஆத்ம ஞான யோக விஷயங்கள் உள்ளன-யோகினி உபாசனையில். திருமூலர்  திருமந்திரத்தில் இவர்களை பற்றி கூறியுள்ளார்.

அஷ்ட யோகினிகள் :

சுர சுந்தரி யோகினி : மூப்பை தடுக்கும், நமக்கு புற அழகை கொடுக்கும் இவள் சிறந்த மனத்தெளிவையும் கொடுக்க வல்லாள்.

மனோஹர யோகினி : காளியின் ரூபமாகவே கருதப்படும் இவளை வழிபட நல் உறவுகள் பலப்படும்.

கனகாவதி  யோகினி : வியாபாரம் மற்றும் தொழில் செய்வோர் அவசியம் உபாஸிக்க வேண்டிய தேவி இவள். தொழிலின் மூலம் நல்ல லாபங்களை கொடுக்கும் யோகினி.

காமேஸ்வரி யோகினி : விரும்பிய துணை, நிலையான திருமண பந்தம், நல்ல தாம்பத்யம் பெற இந்த யோகினியின் அருள் அவசியம்.

ரதி சுந்தரி யோகினி :  செல்வம், வீடு பேறு போன்றவற்றை அருளும் யோகினி இவர்.

பத்மினி யோகினி : அனைத்து காரியங்களிலும் வெற்றியை தருபவர்.

நதினி யோகினி : அதீத சக்தி கொண்டவள் - அதே சக்திகளை தம்மை உபாசிப்போருக்கும் அருள்பவள்.

மதுமதி யோகினி : அனைத்து பிரச்சனைகளிலும் இருந்து விடுதலையளிப்பவள்.